பொக்கிஷத்தை விற்ற துறவி

சுய முன்னேற்ற புத்தகங்கள் - ஒரு பார்வை -5

உலகம் முழுக்க ஆயிரக்கணக்கான சுய முன்னேற்ற புத்தக எழுத்தாளர்கள் எழுதி எழுதி, சம்பாதித்துக் கொண்டுள்ளனர். இவற்றில் பெரும்பாலும் வாழ்க்கையில் முன்னேற, பணக்காரராக, வெற்றி பெற என்கிற ரீதியில்தான் இருக்கும். ஏனென்றால்

மக்களுக்கும் அந்த ஆசைகள்தான் அதிகம்; உடனடியாக பணக்காரனாவது, உடனடியாக தலைவர்கள் ஆவது போல. இது வாழ்க்கையின் ஒரு பகுதிதான், மீதம்? அப்படி ஒரு வித்தியாசமான சிந்தனையை விதைக்கும் நூலை எழுதி பிரபலமாகி இருக்கிறார், ராபின் சர்மா.  நமது பண்பாடு இதைத் தானே காலம் காலமாக சொல்லி வருகிறது. ஆனால் அடுத்த தலைமுறைக்கு நாம் சொல்ல வேண்டியிருக்கிறது அல்லவா?

ராபின் சர்மா - 56 வயதாகும் இவர், வழக்கறிஞர்; கனடாவில் வாழும் இந்திய

வம்சாவழியினர். 1996ல் 'The Monk who sold Ferrari' எழுதி உலக புகழ்பெற்றார். பிறகு, ' Who will cry when you will die, The Greatness Guide, The Leader who had no title, The 5AM Club, Mega Living' போன்ற 15 நூல்களை எழுதியுள்ளார். இப்போது தலைமைப் பண்பு பயிற்சி முகாம்கள், ஆன்லைன் தலைமைப் பண்பு பயிற்சி வகுப்புகள் நடத்துகிறார். (பணக்காரர்களுக்கு மட்டும், ஆன்லைனில் 40,000 டாலர் கட்டணத்தில் எல்லாம் கோர்ஸ் உள்ளது, அவ்வளவு பணம் கட்டி படித்து, பில்கேட்ஸ், வாரன் பபெட்டுக்கெல்லாம் tough கொடுப்பார்களோ?😀💭)

The Monk who sold his Ferrari (தனது பொக்கிஷத்தை விற்ற துறவி - ராபின் சர்மா)

ஜூலியன் மான்டில் - ஒரு திறமையான, பிரபலமான, 18 மணிநேரம் உழைக்கக் கூடிய பெரும் பணக்கார வழக்கறிஞர். பணிச் சுமையாலும், பணக்கார வாழ்க்கை முறையாலும் கடுமையான மன அழுத்தத்தில் இருக்கிறார். விவாக ரத்தாகிவிட்டது. அவருக்கென யாரும் இல்லை. 53 வயதில் 80 வயதானவராக தோன்றுகிறார். ஒருநாள் நீதிமன்றத்திலேயே மாரடைப்பு வந்து மயங்கி விழுகிறார். பிறகு தனது மேன்சனையும் பெராரி காரையும் விற்றுவிட்டு காணாமல் போகிறார். 3 வருடங்கள் கழித்து, தனது ஜூனியர் ஜானை சந்திக்கிறார் (ஜான் கூறுவதுபோல்தான் கதை சொல்லப்படுகிறது)

இப்போது ஜூலியன் 35 வயது மதிக்கத்தக்க இளைஞராக தோன்றுகிறார். கண்கள் பிரகாசமாக உள்ளன. ஜானிடம் தனது பயணத்தையும் , கற்றுக் கொண்ட வாழ்க்கைப் பாடத்தையும், ஒரு யோகியாக திரும்பியுள்ளதையும் விரிவாகக் கூறுகிறார்.

ஜூலியன் வீடு காரெல்லாம் விற்றுவிட்டு இமயமலைக்கு பயணமாகிறார்.

அவர் 'சிவானா' என்ற ஞானிகள் வாழும் கிராமத்தைப் (Sages of Sivana) பற்றி கேள்விப்பட்டு, அக்கிராமத்தைத் தேடி கண்டுபிடிக்கிறார். அங்கு 'யோகி இராமன்' என்ற ஞானியிடம் வாழ்க்கைக்கான ஏழு நல்லொழுக்கங்களை ( Seven Virtues of the Sages of Sivana) கற்கிறார். யோகி இராமன், 'நீ யாருக்காவது இதை கற்பிக்க வேண்டும் என்ற நிபந்தனையுடன், அதை கதையாகச் சொல்லி, விளக்குகிறார்.

கண்களை மூடிக்கொண்டு, பின்வரும் காட்சியை காட்சியை மனக்கண்ணில் சித்தரித்துக் கொள்ளுங்கள்.

“ஒரு பெரிய, செழுமையான அற்புதமான தோட்டத்தின் நடுவில் நீ அமர்ந்திருக்கிறாய். நீ எப்போதுமே  கண்டிராத மிக அழகிய  கண்ணைக் கவரும் மலர்களால் அத்தோட்டம் நிறைந்துள்ளது. அங்குள்ள சுற்றுச்சூழல் வெகு அமைதியாகவும், நிசப்தமாகவும் உள்ளது. இத்தோட்டத்தில் புலப்படும் உணர்வுகளை, அவற்றை ரசித்து மகிழத்   தேவையான காலமெல்லாம் உன்னிடம் இருப்பது போல, நீ அவற்றை அனுபவித்து மகிழ். உன்னைச் சுற்றிலும் உள்ள காட்சிகளைக்  காணும்பொழுது தோட்டத்தின் நடு மையத்தில், ஆறு அடுக்குகள் கொண்ட, சிவப்பு நிற கலங்கரை விளக்கம் ஒன்றை நீ பார்க்கிறாய். திடீரென்று கலங்கரை விளக்கத்தின் கீழ்ப்பகுதியில் உள்ள் கதவு, அத்தோட்டத்தில் சூழ்ந்திருந்த அமைதியைக் கலைத்துக் கொண்டு ஒலியெழுப்பியவண்ணம் திறக்கிறது. அதிலிருந்து ஒன்பதடி உயரமும், தொண்ணூறு பவுண்டு எடையும்  கொண்டுள்ள ஜப்பானிய சுமோ மல்யுத்த வீரன் ஒருவன் வெளியே வந்து, தோட்டத்தின் நடுவில்  மெல்ல நடந்து வருகிறான்.

அவனது இடுப்பில் இளஞ்சிவப்பு நிற வயரைக் கட்டியுள்ளான். 

அந்த சுமோ வீரன் தோட்டத்தில் இங்குமங்கும் உலா வந்து கொண்டிருந்தபோது, பல ஆண்டுகளுக்கு முன்னர், யாரோ அங்கு விட்டுச் சென்றிருந்த தங்க நிற நிறுத்து கடிகாரத்தை அவன் கண்டெடுக்கிறான். அதை மாட்டிக்  கொண்ட மாத்திரத்தில் தடாலென்று மண்ணில் சாய்கிறான். மயக்கமுற்றவனாக , சத்தமின்றி அசைவின்றி அவன் கீழே விழுந்து கிடக்கிறான். ஒரு வேளை அவன் செத்துப் போய் விட்டானோ என்று நீ எண்ணுகிற அதே நேரத்தில், வீரன் கண் விழித்துப் பார்க்கிறான். ஒருக்கால் அருகில் மலர்ந்திருந்த மஞ்சள் நிற ரோஜா மலர்களின் மணம் அவனை உசுப்பியிருக் க்கூடும். சக்தி பெற்றவனாய், வீரன் துள்ளி எழுகிறான். ஏதோ ஒரு உள்ளுணர்வினால் உந்தப்பட்டவனாக , தனது இடது புறம் திரும்பிப் பார்க்கிறான். அங்கு அவன் கண்ட காட்சியால் பெரும் அதிர்ச்சிக்குள்ளாகிறான். தோட்டத்தின் ஓரத்தில் இருக்கும் புதர் ளின் வழியொக ஒரு நீண்ட பாதை வளைந்து நெளிந்து செல்வதைக் காண்கிறான். அந்தப் பாதையெங்கும் ஒளிவிடும் வைரக் கற்கள் சிதறிக் கிடக்கின்றன. அந்தப் பாதையில் செல்லும்படி ஏதோ ஒன்று அவனுக்குள் சொல்கிறது. அவனும், அதற்குச் செவி கொடுத்தவனாய் அதில் நுழைகிறான். அந்தப் பாதை, என்றும் நிலைத்திருக்கும் மகிழ்ச்சி மற்றும் இறவாத பேரின்பமாகிய சாலைக்கு அவனை இட்டுச் செல்கிறது.”

__இந்தக்கதையில் ஏழு நல்லொழுக்கங்களும் உருவகப்படுத்தப்பட்டுள்ளன. அவற்றைக் காண்போம்.

தோட்டம் - மனது : (Master your Mind)

•  உன் மனதை வளர்த்தெடு (Cultivate your mind)
• .உன் எதிர்பார்ப்புகளுக்கு அப்பாலும் அது செழித்து வளரும்
• .உன் வாழ்க்கையின் தரம் உன் எண்ணங்களின் தரத்தால் நிர்ணயிக்கப்படுகிறது.

"வாழ்க்கையில் தவறுகள் என்று எதுவுமே இல்லை. பாடங்கள் மட்டுமே உள்ளன.. எதிர்மறை அனுபவம் என்று ஒன்றுமே கிடையாது. வளரவும், கற்றுக் கொள்ளவும், சுயகட்டுப்பாடு, தன்னறிவு ஆகியவற்றுக்கான பாதையில் முன்னேறிச் செல்வதற்கான வாய்ப்புகள் மட்டுமே அங்கு உண்டு."

கலங்கரை விளக்கம் - வாழ்க்கையின் நோக்கம் : (Follow your Purpose)

• வாழ்க்கையின் நோக்கம் என்பது, நோக்கமுள்ள ஒரு வாழ்க்கை (The Purpose of Life is a Life of Purpose). 
• உனது வாழ்க்கைப் பணியைக் கண்டுபிடித்து அதை நிறைவேற்றுவது நிலையான மன நிறைவைத் தருகிறது
• தெளிவாக வரையறுக்கப்பட்ட சொந்த, தொழில், சார்ந்த மற்றும் ஆன்மீக இலக்குகளை நிர்ணயித்துக் கொள். பின்னர், அவை பற்றிச் செயல்படுவதற்கான துணிவைக் கொள்.

சுமோ வீரன் - கைஜென்னைப் பயிற்சி செய் (Practice kaizen )

கைஜென் என்பது தொடர் வளர்ச்சிக்கான ஜப்பானிய பயிற்சிமுறை (Continuous Improvement) ( இதைப் பற்றி ஒரு கட்டுரை எழுதவுள்ளேன்)

• சுய ஆளுமைதான் வாழ்க்கையை ஆளுவதற்கான மரபணு.
• வெற்றி என்பது நமது மனதில் இருந்துதான் தொடங்குகிறது.
• ஞானம் (Enlightenment) என்பது மனம், உடல், ஆன்மா இவற்றை இடைவிடாது வளர்த்தெடுப்பதால் வருகிறது.
• நீ செய்ய பயப்படுவனவற்றை செய் (

10 சடங்குகள் குறிப்பிடப்பட்டுள்ளன - அவை, தனிமை, உடல்சக்தி, சுவாசப் பயிற்சி, படித்தல், சொந்த சிந்தனை, அதிகாலை எழுதல், இசை, பேச்சாற்றல், குணாதிசயம், எளிமை (Solitude, Physicality,Live Nourishment, Personal reflection, Early awakening, Music, spoken word,Congruent character, Simplicity)

இளஞ்சிவப்பு வயர் - ஒழுங்குமுறைக் கட்டுப்பாடு  (Live with Discipline)

• துணிவான சிறிய செயல்களை தொடர்ந்து செய்தல்
• சுயக் கட்டுப்பாட்டைப் பேணி முதிர்ச்சி பெற செய்தல்
• நிறைவான வாழ்விற்கு மன உறுதி (Will Power) முக்கியம்
• மௌன விரதம்

தங்க நிறுத்து கடிகாரம் - உனது நேரத்தை மதி (Respect your Time) 

• நேரம் ஒரு விலைமதிப்பற்ற பொருள். அது புதுப்பிக்க முடியாதது.
• பிரதான விஷயங்கள் மீது கவனம் செலுத்தி, சம நிலையை பாராமரித்தல் (Focus on Priorities and maintain balance)
• வாழ்வை எளிமையாக்குதல்

நறுமணமுள்ள ரோஜா - தன்னலமற்ற சேவை  (Selflessly serve others)

• நமது வாழ்வின் அர்த்தம், இறுதியில் சமுதாயத்திற்கு நாம் என்ன கொடுத்தோம் (Contribution) என்பதில் உள்ளது.
• நமது நாட்களை புனிதமாக்க, கொடுப்பதற்காகவே வாழுங்கள்
• நல்ல உறவுகளைப் பேணுங்கள் ( Cultivate Richer relationships)

வைரங்களின் பாதை - நிகழ்காலத்தில் வாழுங்கள் (Embrace the Present)

• இந்தத் தருணத்தில் மகிழ்ச்சியாக வாழுங்கள் (Live Now)
• நன்றியுணர்வை வளர்த்துக்கொள் (Practice Gratitude)
• பயணத்தை ரசித்த வண்ணம், ஒவ்வொரு நாளையும் உனது இறுதி நாள் போல வாழுங்கள்.

"ஏதோ ஒரு தனிச் சிறப்பான காரணத்திற்காக நாம் இங்கே இருக்கிறோம். உனது கடந்த காலத்தின் கைதியாக இருப்பதை நிறுத்து. உனது எதிர்காலத்தை நிர்மாணிப்பவனாக மாறு."

கோடீஸ்வர வழக்கறிஞராக இருந்த ஜூலியன், ஞானம் பெற்ற துறவியாக விடைபெறுகிறார்.