முதன்மை உள்ளடக்கத்திற்குச் செல்

பிட்காயின் மைனிங் எப்படி செயல்படுகிறது?

 வியக்கவைக்கும் டெக்னாலஜி!

பிட்காயின் ஒரு கிரிப்டோகரன்சி. கிரிப்டோக்ராபி (Cryptography) தெரியுமல்லவா? முக்கிய ரகசியங்களைப் பாதுகாக்க, அதை ஒரு பாஸ்வேர்ட் கொடுத்து பூட்டி, அந்த பாஸ்வேர்டைக் கண்டுபிடிக்க ஒரு புதிர் (Puzzle) கொடுப்பார்கள். நீங்கள் அந்த புதிருக்கான விடையைக் கண்டுபிடித்து, பாஸ்வேர்டைப் பெற்று திறக்க வேண்டும். The Da Vinci Code படத்தில் வருமே. அதுதான். அதே டெக்னாலஜியை கிரிப்டோகரன்சியை உருவாக்க பயன்படுத்துகின்றனர்.

Cryptographic Hash Function என்ற வழிமுறையில் (Algorithm) பெரிய டேட்டாக்களைக் கொடுத்து, 64 இலக்க ஹேஷ் (Hash) களாகப் பெறுவார்கள். அதாவது அவர்கள்
கொடுக்கும் கணிதப்புதிரை ( Mathematical Puzzle) வைத்து பிட்காயினுக்கான ஹேஷைக் கண்டுபிடிக்கவேண்டும் (Proof of work). அதிகமான பேர்கள் கண்டுபிடிக்க இறங்கினால் கடினமான புதிர்களாக வரும். அதேபோல் ஆரம்ப காலத்தில் எளிமையாகவும், இப்போது 88% பிட்காயின்கள் வெளியான பிறகு கடினமாக இருக்கும். கடினம் என்றால் கண்டுபிடிக்கும் கால அளவு அதிகமாகும். 

இந்த செயல் GPU (Graphic Processing Unit)  அல்லது ASIC (Application Specific Integrated Circuit) மூலமாக செய்யப்படும். நாம் வீடியோ கேம் விளையாட கம்யூட்டரில் Ge Force, Radeon போன்ற Graphics Card போடுவோமே, அதுதான். 
பிட்காயின் மைனிங் அதிக அளவில் நடப்பதால், இந்த கார்டுகளுக்கெல்லாம் நல்ல டிமாண்ட். விலைகளும் ஏறிவிட்டன.

இந்த மைனிங், கிரிப்டோக்ராபியில் Hash Function Double SHA256 மூலமாகச் செயல்படுகிறது. ஒரு பிட்காயன் ஹேஷை க் கண்டுபிடிக்க பல கோடி (2.7 Quadrillion) டேட்டாக்கள் உள்ளிடப்படுகின்றன. ஒரு காயினைக் கண்டுபிடிக்க 72 TW எலக்ட்ரிசிட்டி செலவாகிறது. மொத்த செலவு இன்றைய மதிப்பில் 15,000 முதல் 20000 டாலர்கள். கனடா, ஐஸ்லாந்து போன்ற நாடுகளில் கரண்ட் செலவு கம்மி என்று
மைனர்கள் (Miners) அங்கே அதிகம் செல்வதாகக் கூறுகிறார்கள். இப்போது 10 நிமிடத்திற்கு ஒரு பிட்காயின் கிடைக்கிறது. ஒரு நாளைக்கு 900. அவ்வளவுதான்.
நீங்கள் மைனிங் செய்ய GPU உடன் 3GB RAM லேப்டாப் இருந்தால் போதும். இப்போது ஆன்ட்ராய்டு மொபைலிலும் மைனிங் வசதி வந்துவிட்டது.

மைனர்கள் பலர் ஒன்று சேர்ந்து, ஒரு நெட் வொர்க்காக மைனிங் செய்வதும் உண்டு. கரண்ட் செலவு, அது போல் கிடைக்கும் பிட்காயினையும்  பிரித்துக் கொள்வார்கள். இதற்கு மைனிங் பூல் என்று பெயர். Slush Pool தான் முதலாவது பூல். இப்போது AntPool, Poolin, F2 Pool போன்று நிறைய உள்ளன. 

Hash Sample
பிட்காயின்கள் பிளாக்குகளாகத்தான் மைனிங் செய்யப்படும். 64 இலக்க ஹேஷை கண்டு பிடிப்பவர்களுக்கு ஒரு பிளாக் (Block) வழங்கப்படும். ஆரம்பத்தில் ஒரு ப்ளாக்குக்கு 50 பிட்காயின்கள் வழங்கப்பட்டன. நான்காண்டுகளுக்கு ஒரு முறை இந்த எண்ணிக்கை குறைக்கப்படுகிறது. 2012 ல் ஒரு ப்ளாக்குக்கு 25 பிட்காயின்கள், 2016 ல் ஒரு ப்ளாக்குக்கு 12.5 பிட்காயின்கள், இப்போது ஒரு ப்ளாக்குக்கு 6.25 பிட்காயின்கள். கண்டுபிடிக்கப்பட்ட ப்ளாக்குகளை லெட்ஜரில் பதிவிடுவார்கள். அந்த லெட்ஜர் தான் ப்ளாக் செயின் (Block Chain).

ப்ளாக் செயின் (Block Chain)
கண்டுபிடிக்கப்படும் ப்ளாக்குகள் ஹேஷ் பாயிண்டர் மூலம் முந்தின ப்ளாக்குடன்
இணைக்கப்பட்டு, நேர முத்திரையிடப்பட்டு, ப்ளாக் செயினில் பதியப்படுகிறது. இந்த ப்ளாக் செயின் டேட்டா, பிட்காயின் வைத்துள்ள அனைவருக்கும் அளிக்கப்படுகிறது (Open Distributed Ledger). மேலும், பிட்காயின் மொத்த பரிமாற்றங்கள்- வாங்குதல், விற்றல் அனைத்தும் பதிவாகிறது. இந்தத் தகவல்களை ஹேக் செய்யவோ, திருத்தவோ முடியாது என்பதுதான் சிறப்பம்சம்.

வாலட் (Wallet)
பிட்காயினை பாதுகாக்கவும், பரிமாற்றங்களுக்கும், வாலட்கள் பயன்படுகின்றன. பிட்காயினுடன் Public Key, Private Key இரண்டும் வழங்கப்படும். Public Key, ப்ளாக் செயின் லெட்ஜரில் நுழைய உதவுகிறது. Private Key மூலமாகத்தான் பிட்காயினை வாங்கவோ, விற்கவோ முடியும். இந்த சாவியையும் பிட்காயின் அட்ரஸையும் வாலட்டில்தான் வைத்திருக்கவேண்டும். Private Key திருடப்பட்டால், அவ்வளவுதான், நமது பிட்காயின்கள் மாற்றப்பட்டு விடும். பிட்காயின் உரிமையாளர்கள் யார் என்று கண்டுபிடிக்கமுடியாது. வெறும் எண்கள் மட்டுமே இருக்கும். இதனால்தான் பிட்காயின் முதலில் சட்ட விரோத நடவடிக்கைகளுக்கு Dark Web, Deep Web மூலமாக பயன்படுத்தப்பட்டது.

Initial Coin Offering (ICO)
கிரிப்டோ கரன்சி துவக்கும் நிறுவனங்கள் IPO போன்று, நிதி திரட்ட, ICO அறிவிக்கின்றன.இது வெறும் முதலீடு. இதில் முதலீடு செய்தால், நிறுவனத்தில் பங்குதாரராகவோ, கரன்சியாகவோ, டோக்கனாகவோ பெற்றுக் கொள்ள முடியும். டோக்கன்கள், கேசினோ டோக்கன்கள்போலத்தான். ஏதாவது வாங்க உபயோகப்படும். 

கிரிப்டோகரன்சியில் நிறைய அபாயங்களும், சந்தேகங்களும், சர்ச்சைகளும் இருந்தாலும், அதன் டெக்னாலஜி வியக்கவைக்கக் கூடியது என்பதில் மாற்றுக் கருத்தில்லை.
பிட்காயின் வெள்ளை அறிக்கை, மேலும் விவரங்கள் அறிய : www.bitcoin.org

Courtesy
Images: Google, 
investopedia.com







லேபிள்கள்:

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

கம்ப்யூட்டர் அச்சடிக்கும் பணம் - கிரிப்டோகரன்சி, பிட்காயின்

கிரிப்டோகரன்சி ஒரு அறிமுகம் நிறைய பணம் வேண்டுமானால் என்ன செய்ய வேண்டும்? உழைத்து சம்பாதிக்க வேண்டும். நேரடியாக நாமே பணத்தை உருவாக்கிவிட்டால்? அது அரசாங்கத்தால் மட்டும் தானே முடியும் என்று நினைக்கிறீர்களா? கம்ப்யூட்டரும் இணைய வசதியும், அதற்கு தேவையான மின்சாரமும் இருந்தால் போதும். நீங்களே உருவாக்கிக் கொள்ளலாம். அதை கிரிப்டோகரன்சி என்கின்றனர். இப்போது அடிக்கடி  பிட்காயின்  என்கிறார்களே, அது ஒரு கிரிப்டோகரன்சிதான்! இந்த கட்டுரையில் கிரிப்டோகரன்சி பற்றி எளிமையாக, மேலோட்டமாக கூறுகிறேன். அடுத்த கட்டுரையில் கொஞ்சம் டெக்னிக்கலாக, எனக்கு தெரிந்தவரை கூறுகிறேன்.  பணம் நம்மிடம் காகிதமாக இருக்கிறது. மற்ற சொத்துக்கள் தங்கமாகவோ, பொருட்களாகவோ இருக்கும். இந்த கிரிப்டோகரன்சிக்கு எந்த உருவமும் இல்லை. காற்றில் சேமிக்கப்பட்டுள்ள ஒரு சுமார் 26-35 இலக்க எண் அவ்வளவுதான். (உதாரணம் -   17K9yGu5UBTeyHNdzQ5sR3aSFRzu6Ae7JZ )     பணப்பரிவர்த்தனைக்கும், சேமிக்கவும் வங்கிகள் கட்டுப்பாட்டு மையங்களாக செயல்படுகின்றன. அதாவது சேவைக்கு கட்டணம் வசூலித்து, நமது கணக்கு...
1 கருத்து உள்ளது
Read more »

எங்கே செல்லும் இந்தப்பாதை?

  எங்கே செல்கிறேன்? எனது வாழ்க்கையை ஒரு பயணமாகத்தான் கருதுகிறேன். வளைந்து, நெளிந்து, பல திருப்பங்களுடன், கரடுமுரடான பயணம்தான் வாழ்க்கை. (டைம் டிராவலை- Time Travel சீக்கிரம் கண்டுபிடிங்கப்பா, அதிலும் பயணப்பட்டு பார்க்கலாம்) பணம் நிறைய உள்ளவர்களுக்கு ஒரு வேளை கொஞ்சம்  மென்மையாக இருக்கலாம். இருந்தாலும்அந்த திருப்பங்களும், கரடுமுரடும்தான் வாழ்க்கையை சுவராசியப்படுத்துகிறது - Expect the Unexpected. இந்த பயணத்தின் ஸ்டியரிங் கடவுள் அல்லது காலத்திடம்தான் உள்ளது. மலையாளத்தில், பஹத் பாசில் நடித்த ' நான் பிரகாஷன் (Njan Prakashan) ', எனக்கு மிகவும் பிடித்த படம். வாழ்க்கையின் நோக்கம் சந்தோஷம் மட்டும்தான் என்று மிக உணர்வு பூர்வமாக சொல்லியிருப்பார்கள். அதில் சீனிவாசன் பாசிலிடம், " கொஞ்ச நாளைக்கு உன்னோட ஸ்டியரிங்கை என்கிட்ட கொடு" என்பார். அதாவது நான் சொல்றபடி நீ கேள் னு அர்த்தம். அதுபோல,எனக்கு குரு, வழிகாட்டி யாரும் இல்லை. பெரும்பாலும் நிறைய பேருக்கு அப்பாக்கள் அந்த ரோலை எடுத்துக் கொள்கிறார்கள். 'ஆட்டோடிடாக்ட்' (autodidact) ஆகவே வளர்ந்து விட்டதால், யாராவது கொஞ்ச நாளைக்கு இந...
கருத்துரையிடுக
Read more »

நானும் எழுத்தும்

முன்னுரை இனிய உள்ளங்களுக்கு அன்பு வணக்கங்கள்! இதோ நானும் எழுத ஆரம்பித்துவிட்டேன். கடந்த பத்தாண்டுகளாக எழுதவேண்டும் என்ற ஆவல் வந்து வந்து போகும். முன்பு அது பள்ளி காலம் முதல் 1990 வரை எனக்குள்  இருந்தது. பின் வாழ்க்கை சூழலில்  அதற்கான சந்தர்ப்பங்கள் வாய்க்கவில்லை. அதுவும் அப்பொதெல்லாம் எழுத பத்திரிக்கைகள் மட்டுமே இருந்தன. இப்பொது FB, Twitter, Quora, Instagram, Pinterest, போல பல தளங்கள். அனைத்திலும் பகிரவும் எளிது. 55 வயதை கடந்து வாழ்க்கையின் மூன்றாவது பருவத்தில் நான் செய்ய வேண்டிய பணிகளை திட்டமிடும்போது முதல் இடத்தில் எழுத்துதான் வந்தது. எனது முக்கிய ப்ராஜெக்ட்டுக்கு(Web Portal) ஆதாரம் எழுத்து (Content Writing). எனவே பயிற்சிக்க ப்ளாக்கில் தொடங்கலாம் என்று துவங்கிவிட்டேன்.  வாசிப்பு பழக்கம் உள்ளவர்கள் எழுதாமல் போனால் ஸ்விஸ் பேங்கில் பணம் போட்டு வைப்பதுமாதிரி. யாருக்கும் பயன் இல்லை. அதுவும் 'சுஜாதா' அவர்களை பிதாமகராக சுஜாதா கொண்டவர்கள் எழுதாமல் போனால் அவர் எழுத்துகளை படித்த புண்ணியம் சேராது. (கோரா (Quora )வில் 'ரங்க ராஜ்ஜியம்' என்ற தலைப்பில் நிறைய எழுதுகின்றனர்.) நான் ஏ...
கருத்துரையிடுக
Read more »