வாசித்ததில் நேசித்தது!
இதைச் செய்யாதே என்று சொல்லாமல், இதைச் செய்தால் கெட்டுவிடும் என்று வலியுறுத்துவது சிறந்த நடை. அனைவரும் என்றென்றும் நினைவில் கொள்ள வேண்டிய கருத்துக்கள். படித்து பயனுறுங்கள்.
எது கெடும்?
- v பாராத பயிரும் கெடும்.
- v பாசத்தினால் பிள்ளை கெடும்
- v கேளாத கடனும் கெடும்.
- v கேட்கும்போது உறவு கெடும்.
- v தேடாத செல்வம் கெடும்.
- v தெகிட்டினால் விருந்து கெடும்.
- v ஓதாத கல்வி கெடும்.
- v ஒழுக்கமில்லாத வாழ்வு கெடும்.
- v சேராத உறவும் கெடும்.
- v சிற்றின்பன் பெயரும் கெடும்.
- v நாடாத நட்பும் கெடும்.
- v நயமில்லா சொல்லும் கெடும்.
- v கண்டிக்காத பிள்ளை கெடும்.
- v கடன்பட்டால் வாழ்வு கெடும்.
- v பிரிவால் இன்பம் கெடும்.
- v பணத்தால் அமைதி கெடும்.
- v சினமிகுந்தால் அறமும் கெடும்.
- v சிந்திக்காத செயலும் கெடும்.
- v சோம்பினால் வளர்ச்சி கெடும்.
- v சுயமில்லா வேலை கெடும்.
- v மோகித்தால் முறைமை கெடும்.
- v முறையற்ற உறவும் கெடும்.
- v அச்சத்தால் வீரம் கெடும்.
- v அறியாமையால் முடிவு கெடும்.
- v உழுவாத நிலமும் கெடும்.
- v உழைக்காத உடலும் கெடும்.
- v இறைக்காத கிணறும் கெடும்.
- v இயற்கையழிக்கும் நாடும் கெடும்.
- v இல்லாலில்லா வம்சம் கெடும்.
- v இரக்கமில்லா மனிதம் கெடும்.
- v தோகையினால் துறவு கெடும்.
- v துணையில்லா வாழ்வு கெடும்.
- v ஓய்வில்லா முதுமை கெடும்.
- v ஒழுக்கமில்லா பெண்டிர் கெடும்.
- v அளவில்லா ஆசை கெடும்.
- v அச்சப்படும் கோழை கெடும்.
- v இலக்கில்லா பயணம் கெடும்.
- v இச்சையினால் உள்ளம் கெடும்.
- v உண்மையில்லா காதல் கெடும்.
- v உணர்வில்லாத இனமும் கெடும்.
- v செல்வம்போனால் சிறப்பு கெடும்.
- v சொல்பிறழ்ந்தால் பெயரும் கெடும்.
- v தூண்டாத திரியும் கெடும்.
- v தூற்றிப்பேசும் உரையும் கெடும்.
- v காய்க்காத மரமும் கெடும்.
- v காடழிந்தால் மழையும் கெடும்.
- v குறிபிறழ்ந்தால் வேட்டை கெடும்.
- v குற்றம்பார்த்தால் சுற்றம் கெடும்.
- v வசிக்காத வீடும் கெடும்.
- v வறுமைவந்தால் எல்லாம் கெடும்.
- v குளிக்காத மேனி கெடும்.
- v குளிர்ந்துபோனால் உணவு கெடும்.
- v பொய்யான அழகும் கெடும்.
- v பொய்யுரைத்தால் புகழும் கெடும்.
- v துடிப்பில்லா இளமை கெடும்.
- v துவண்டிட்டால் வெற்றி கெடும்.
- v தூங்காத இரவு கெடும்.
- v தூங்கினால் பகலும் கெடும்.
- v கவனமில்லா செயலும் கெடும்.
- v கருத்தில்லா எழுத்தும் கெடும்.
கெடாமல் பாதுகாக்க வேண்டியது அவரவர்
பொறுப்பு!
கருத்துகள்
கருத்துரையிடுக